Poem (In Memory of My Village)

The poem I wrote on second moving anniversary ( moving from village to town).

Ye jheel ye parbat ye darya nein dekha,
Dekhy hein bahut gaon tery jesa nein dekha.

Jannat nein zameen py jo log samajty hein,
Un logon ny shaid mera “Maira” nein dekha.

Do saal ho chaly is shehr-e-biyaba’n mein,
Mein ny kisi insa’n ka chehra nein dekha.

Har qadam py masjid kay menaar nazar aae,
Lkin kisi masjid mein Allah nein dekha.

Jaany kitrny roop badalty hein yahan log,
Kisi shakhs ka bhi aik chehra nein dekha.

Maa’n ko bhi olaad sy hy uhdy ki laalich,
Rishta yahan aik bhi sucha nein dekha.

Shaiq sabhi dekhy hein sunnaton kay yahan par,
Karta ho koi ada apna fareeza nein dekha.

Sunty hein kih gaon mein bahut hansta tha Nafees,
Shehr mein kabhi us ko hansta nein dekha.